തൃ​ശൂ​ർ: വാ​ള​യാ​റി​ൽ ആ​ൾ​ക്കൂ​ട്ട​മ​ർ​ദ​ന​ത്തെ​ത്തു​ട​ർ​ന്നു മ​രി​ച്ച ഛത്തീ​സ്ഗ​ഡ് സ്വ​ദേ​ശി റാം ​നാ​രാ​യ​ണ്‍ ബാ​ഗേ​ലി​ന്‍റെ മൃ​ത​ദേ​ഹം ഭാ​ര്യ​യും മ​ക്ക​ളും സ​ഹോ​ദ​ര​നും​ചേ​ർ​ന്ന് ഏ​റ്റു​വാ​ങ്ങി. തു​ട​ർ​ന്ന് നെ​ടു​ന്പാ​ശേ​രി വി​മാ​ന​ത്താ​വ​ളം വ​ഴി രാ​വി​ലെ പ​തി​നൊ​ന്നോ​ടെ മൃ​ത​ദേ​ഹ​വു​മാ​യി ബ​ന്ധു​ക്ക​ൾ റാ​യ്പു​രി​ലേ​ക്കു യാ​ത്ര​തി​രി​ച്ചു. അ​വി​ടെ​നി​ന്ന് ആം​ബു​ല​ൻ​സി​ൽ ഛത്തീ​സ്ഗ​ഡി​ലെ ഗ്രാ​മ​ത്തി​ലെ​ത്തി​ച്ചു. സം​സ്ഥാ​ന സ​ർ​ക്കാ​രാ​ണു യാ​ത്രാ​ച്ചെ​ല​വു​ക​ൾ വ​ഹി​ച്ച​ത്.

മ​ര​ണ​വി​വ​ര​മ​റി​ഞ്ഞ് ബ​ന്ധു​ക്ക​ൾ കേ​ര​ള​ത്തി​ൽ എ​ത്തി​യി​രു​ന്നെ​ങ്കി​ലും തൃ​ശൂ​ർ മെ​ഡി​ക്ക​ൽ കോ​ള​ജ് ആ​ശു​പ​ത്രി മോ​ർ​ച്ച​റി​യി​ൽ സൂ​ക്ഷി​ച്ചി​രു​ന്ന മൃ​ത​ദേ​ഹം ഏ​റ്റു​വാ​ങ്ങാ​ൻ ആ​ദ്യം ത​യാ​റാ​യി​രു​ന്നി​ല്ല. കു​റ്റ​വാ​ളി​ക​ൾ​ക്കെ​തി​രേ ന​ട​പ​ടി​യും ന​ഷ്ട​പ​രി​ഹാ​ര​വും ആ​വ​ശ്യ​പ്പെ​ട്ടാ​യി​രു​ന്നു പ്ര​തി​ഷേ​ധം. തു​ട​ർ​ന്ന് മ​ന്ത്രി​യു​ടെ നേ​തൃ​ത്വ​ത്തി​ൽ ച​ർ​ച്ച​ന​ട​ത്തി കു​ടും​ബ​ത്തെ ആ​ശ്വ​സി​പ്പി​ച്ചാ​ണ് തു​ട​ർ​ന​ട​പ​ടി​ക​ൾ സ്വീ​ക​രി​ച്ച​ത്.

റാം ​നാ​രാ​യ​ന്‍റെ കു​ടും​ബ​ത്തി​ന് ഉ​ചി​ത​മാ​യ ന​ഷ്ട​പ​രി​ഹാ​രം ന​ൽ​കു​ന്ന കാ​ര്യ​ത്തി​ൽ തീ​രു​മാ​ന​മാ​യി​രു​ന്നു. മ​ന്ത്രി​സ​ഭാ​യോ​ഗ​ത്തി​ൽ വി​ഷ​യം ച​ർ​ച്ച ചെ​യ്ത​ശേ​ഷം ന​ഷ്ട​പ​രി​ഹാ​രം കൈ​മാ​റും.

കേ​സി​ൽ അ​ഞ്ചു പ്ര​തി​ക​ളെ​യാ​ണ് പോ​ലീ​സ് അ​റ​സ്റ്റ് ചെ​യ്ത​ത്. പ്ര​ദേ​ശ​വാ​സി​ക​ളാ​യ അ​നു, പ്ര​സാ​ദ്, മു​ര​ളി, ആ​ന​ന്ദ​ൻ, ബി​പി​ൻ എ​ന്നി​വ​രാ​ണു പ്ര​തി​ക​ൾ. ഇ​തി​ൽ ഒ​ന്നും ര​ണ്ടും പ്ര​തി​ക​ൾ റാം ​നാ​രാ​യ​ന്‍റെ ത​ല​യി​ലും മു​തു​കി​ലും വ​ടി​കൊ​ണ്ടും കൈ​കൊ​ണ്ടും അ​ടി​ച്ച​താ​യി പോ​ലീ​സ് ക​ണ്ടെ​ത്തി​യി​രു​ന്നു. മൂ​ന്നു​മു​ത​ൽ അ​ഞ്ചു​വ​രെ​യു​ള്ള പ്ര​തി​ക​ളും റാം ​നാ​രാ​യ​ണെ അ​ടി​ക്കു​ക​യും നി​ല​ത്തി​ട്ടു​ച​വി​ട്ടു​ക​യും ചെ​യ്തു. കേ​സി​ൽ പ​തി​ന​ഞ്ചോ​ളം ​പേ​ർ​ക്കു പ​ങ്കു​ള്ള​താ​യി നേ​ര​ത്തേ പോ​ലീ​സ് പ​റ​ഞ്ഞി​രു​ന്നു. ഇ​വ​ർ​ക്കാ​യി അ​ന്വേ​ഷ​ണം വ്യാ​പി​പ്പി​ച്ചി​ട്ടു​ണ്ട്.